1_ تبادل الهدايا
ولازم تكون هديه ماركه ( يعني ثمنها شويه وشويات ) يعني غااااااليه مرررره ويا ويلك لو تكون شي للبيت بزعمك انك بتضرب عصفورين بحجر ترا هذي ما تمشي عندها .
2_ تخصيص وقت للجلوس معها
يعني تقول للشله باي باي عليها السلام ويا دار ما دخلك شر وطبعا انت هلحين مسؤول لازم مرتك تكون في وجهك 24 ساعه على الأقل ويا ليت اكثر إذا تقدر .
3_ النظرات التي تنم عن حب وإعجاب
يعني بحلق فيها طووول النهار وانتبه لا ترمش عينك ابد .. تراني علمتك وانت حر .
4_ التحيه والوداع الحار
أنصحك ما تسافر أبد ابد علشان ما تضطر لها في يوم لأنك لو سويتها وش يفكك .
5_ الثناء على الزوجه
فعلا مثل ما قالت أختنا سرنوه ترا هالنقطه مررره مهمه يعني حتى لو كانت بلبسها اللي لها يومين ما غيرته لازم تبدي إعجابك فيه وطبخها حتى ولو كان محروق لازم تاكله كله وتقول ممممم مرررره لذيذ ترا لو ما سويت كذا بيترك أثر كبير في قلبها وما ينمسح ابدا ابدا حتى ولو بالكلوركس .
لا تقول ما علمتك ؟؟ انت حر
6_ الإشتراك في أداء الشيئ
يعني لو هي ترقص أرقص معها ولو هي تنط نط معها ولو كانت تحوس بالبيت حوس معها ومره بالعمر هذي ما تمشي معها لازم كل يوم .
7_ الكلمه الطيبه والتعبير العاطفي
يعني لما تقول ياااا سلام وش زين البيت اليوم وتكون مجامله لها لازم تقولها كأنها فعلا طالعه من أعماق أعماق قلبك وانتبه لا تغلط ترا بيبين عليك .
8_ نزهه قصيره
يعني فرفر فيها كل الشوارع إلى أن تدوخ وتنام وانصحك فيها تراها تجربه فعاله علشان لما هي تنام انت تقدر تسوي اللي يعجبك وهي فرصه ترمش شوي من كثر البحلقه .
9ّ_ الجلسات الهادئه
سلط عليكم كشافات البيت كلها علشان لما تبحلق فيها ما تفهمك غلط وابدأ معها وخلها هي اللي تقول اللي بخاطرها اول علشان ما تتورط وحاول انك تستشف اللي بداخلها علشان تلحق نفسك وتقدر تتصرف بسرعه .
10_ التوازن في الإقبال
يعني إطلع من البيت معليش لكن لو طلعت اهريها مسجات ولو جلست في البيت خلك وراها مثل ظلها ولبي لها كل طلباتها تراها بتكون مررره ممنونه
11_ التفاعل من الطرفين في وقت الأزمات
يعني لو دخلت هي المستشفى جيب سرير ثاني ونام معها علشان تحس انك مشاركها المرض ولو انت اللي مريض برضوااا جيب سرير ثاني ووخليها تنام جنبك وترا المشاركه في وقت الأزمات مررره فعاله وزينه وحتى لو هي زعلت وراحت لبيت اهلها برضووو جيب سرير ثاني وخلك معها في بيت اهلها ( علشان قدام اهلها عيب ) لازم سرير ثاني .
12_ التجديد ومحاربة الروتين
بين فتره وفتره لما هي تقول لك خلينا نغير في لون أو أثاث الغرفه انت ما عليك منها غير كل عفش البيت وان قالت لك ابشتري فستان جديد ( لأنها طفشت من الفستان اللي لها يومين لابسته ) انت ما عليك منها غير دولاب ملابسها كله (وانصح دولاب ملابسك كمان ) علشان حكاية المشاركه هذي تكمل
13_ الملاطفه بين الزوجين
يعني ممممممم خلووو الجديه لأهلها انتم ما تصلح لكم الجديه خلي كلامك كله معها مزح في مزح علشان ما تفهمك غلط وتنبسط عليك أكثر.
14_ المصارحه والتنفيس وعدم الكبت
يعني لو كانت ريحتها طالعه قول لها ياااا ألللللله شكلهم الجيران اليوم شافطين بيارتهم . خلها تنبسط ان فيه ريحه اقوى من ريحتها .
15_ نداء الزوجه بأحب الأسماء لديها
يعني عمرك ما تقول لها يا هيش تراها قويه شوي خلك عاد لطيف ولو مره وحده بحياتك وناديها يااا مره تراه اسم مميز يمكن عمرها ما سمعته .
16_محاولة الإنسجام
يعني مهما مهما مهما كانت عيوبها ظاهره وواضحه ( للعيان ) حاول انك تفهمها انها ولا أحلى ( تراها ما تسوى انك تزعلها لأن العواقب بتكون( وخيمه ) يعني تحملها ( ليه اصلا انت تزوجت هذا جزائك )
17_ الشكر والثناء بينكما
يعني كثر من القصائد العصماء ( وإن ما عرفت كيف إسأل فولتارين عنها تراها عنده بالكوم )
18_ التغاضي عن الزلات
يعني ان زلقت انت لا تبين لها انك متعور وان هي زلقت هي سوي حالك ما شفتها حتى ولو قالت أخخخخ ( يعني أي )
19_ الإحترام والتقدير بينكم
هذي طبعا ما يبيلها كلام انت اذا سويت كل اللي راح شوف قد إيش بيكون احترامها لك ( وهنا بيت القصيد ) هذا اللي انت تبيه أصلا .. صح ؟
20_ وختامه مسك
لو ما خليت سيرة الحبيب صلى الله عليه وسلم ومعاشرته لأهله هي هدفك من البدايه معناها ان زواجك عليه السلام خلك عزوبي افضل لك .